Sponsor Reklam

Arxiv Sent.., 2012

postheadericon Raxit


Raxit azyaşlı uşaqların xəstəliyidir. Raxit mütləq olaraq müalicə tələb edilən xəstəliklərdəndir! Bir çox valideynlərin “uşaq böyudükcə keçib gedər” kimi fikirləri yanlış hesab olunur.
Raxit, əlbəttə, keçib gedəcək, ancaq vaxtında və düzgün müalicə olunmadığı halda uşaq orqanizmi üçün ağır fəsadlar verə bilər.
Vaxtında müalicə olunmayan raxit xəstəliyi olan uşaqlarda onurğa sütununun, dös qəfəsinin, ayaqların deformasiyası, yastıpəncəlik, əzələ və oynaq zəifliyi və digər patoloji hallar qeyd oluna bilər. Müalicə olunmayan raxit süd və daimi dişlərin zədələnməsinə, məktəb yaşlarında isə yaxınıgörməyə (göz dibi əzələləri zəiflədiyi üçün) də səbəb olur. Qızlarda vaxtında müalicə olunmayan raxit xəstəliyi onlarda çanaq sümüklərinin də deformasıyasına səbəb olur. Gələcəkdə belə qızlar hamiləlik və doğuş zamanı əziyyət çəkirlər. Bundan, başqa raxitli uşaqlar soyuqdəymə, angina, bronxit və digər infeksiyalara daha tez-tez hallarda yoluxurlar.

Əziz valideynlər, uşaqlarınıza qarşı çox diqqətli olun və raxit xəstəliyinin ilkin əlamətləri müşahidə edilən kimi, təxirəsalınmadan həkimə müraciət edərək xəstəliyin müalicəsinə başlayın! Raxitin ilkin əlamətləri kimi, uşağın yemək zamanı başın və alının tərləməsini qeyd etmək lazımdır. Bu zaman uşağın təri “turşməzə” olur (ana uşagını öpərkən bunu hiss edə bilər). Daha sonra uşaqda tər səpgiləri, qəbizlik əmələ gəlir. Uşağın dərisinə toxunanda dəridə qırmızı iz qalır ki, o da yalnız 1-2 dəqiqədən sonra keçib gedir. Daha sonralar uşaqda narahatlıq artır, diksinmələr olur, qarının böyüməsi, ənsə nahiyəsində yastılıq, keçəlləşmə qeyd olunur.
Xəstəliyin daha da ağırlaşmasına imkan verməyin. Vaxtında müalicə olunan raxit xəstəliyi gələcəkdə uşağınızın sağlam inkişafında təsirsiz keçib gedə bilər! Raxit xəstəliyinin müalicəsi kompleks şəkildə aparılır. Buraya masaj, müalicəvi idman hərəkətləri, 2 saatdan əskik olmayaraq gündəlik gəzintilər həmçinin həkim təyinatına uyğun olaraq kalsium və D vitamini preparatlarının qəbulu və s. daxildir.
Aşağıdakı hallarda uşaqlar raxit xəstəliyi ilə daha çox xəstələnirlər:
- əksər hallarda hamiləliyin sona çatmasından qabaq doğulan uşaqlar;
- dərisi daha açıq rəngli olan uşaqlar (onların dərisində D vitamininin əmələ gəlməsi daha zəif olur);
- süni qidalarla qidalandırılan uşaqlar və ya uşaqların əsas qidalarına əlavə olunmalı qidaların gecikdirilməsi;
- mədə-bağırsaq xəstəlikləri (bu zaman kalsium və fosforun sorulması ləngiyir) olan uşaqlar;
- irsi olaraq raxit xəstəliyinə meylli olan uşaqlar.

postheadericon Körpəmin oğlan və ya qız olduğunu özüm necə bilərəm?

USM ilə körpənizin cinsiyyəti 3cü ay ətrafında bilinir. Amma siz bu müddəti gözləmədən körpənizin cinsiyyətini öz üzərinizdə yaranan dəyişikliklər sayəsində təxmin edə bilərsiniz. Bunun üçün aşağıdakılara diqqət yetirin. Lakin qeyd edək ki, bu sadəcə təxmindir.
Körpənin oğlan olub olmayacağına dair etdiyimiz araşdırmalar nəticəsində, oğlan kö

rpə sahibi olan anaların hamiləlik dövrlərində ən sıx qarşılaşdıqları davranışları və nələrə rast gəldiklərini bir siyahı halında yığdıq. Bunlar qəti nəticələr göstərən məlumatlar olmasa belə əksəriyyətdə rast gəlinən məlumatlardır.

Erkək Körpə Əlamətləri :
• Çox tez-tez bal yemək istəyi
• Ayaqların həmişə buz kimi olması, istilənməməsi,
• Üzdə sızanaq, ləkə kimi şeylərin meydana çıxmaması, hamiləlikdə üzdəki təmizliyin pozulmaması (Adətən hamiləlikdə üzdə qəhvəyi ləkələr və sızanaqlar əmələ gəlir)
• Çanaq nahiyyəsindən çox kökəlməmək
• Yaşıl ərik kimi turş meyvələrə meyllilik
• Əllərin quruması
• Həddindən artıq qusma və bulantı.
Yuxarıda saydığımız əlamətləri görən qadınların bir çoxu oğlan körpə sahibi olmuşlar. Bu üzdən də bu ifadələr kişi körpə əlamətləri olaraq qeyd olunur. Amma yenə də hər şey Allahın əlindədir və bundan əlavə yuxarıda sadalananların heç birinin tibbi dəstəyi yoxdur.
Körpənizin cinsiyyətini təyin etmənin ən zəmanətli yolu isə təbii ki, hamiləlik müddətində etdirəcəyiniz bir USM göstərməsidir.

postheadericon Məxmərək

Məxmərək – kəskin infeksion virus xəstəliyidir. İnfeksiya hava-damcı yolu ilə (xəstə asqırarkən, öskürərkən) digər insanlara keçir.

Xəstəliyin əvvəlində uşağın hərarəti bir qədər qalxır, ümumi zəiflik, bəzən burun tənəffüsünün çətinləşməsi, zökəm, öskürək əmələ gəlir, ənsə və arxa boyun limfa vəziləri böyüyür.

Daha sonra, əvvəlcə sifətdə, sonrakı bir neçə saat ərzində isə bütün bədənə yayılan qırmızımtıl ləkələr (ölçüləri 5-10 mm olan) şəklində səpgilər əmələ gəlir. 2-3 gündən sonra səpgilər özlərindən sonra heç bir iz (piqmentasiya, qabıqvermə və s.) qoymadan yox olurlar.

Məxmərək xəstəliyindən sonra fəsadlar çox nadir hallarda baş verir. Xəstəliyin müalicəsi ev şəraitində aparılır. Müalicə dövründə vitaminlərlə zənginləşdirilmiş pəhriz rejimi məsləhət görülür.

Müalicə zamanı heç bir spesifik dərman preparatlarından istifadə olunmur. Müvafiq tələbat yarandığı halda həkim tərəfindən vitaminlər, zökəm və öskürəyə qarşı dərmanlar təyin edilə bilər.

Keçirilmiş məxmərək xəstəliyindən sonra davamlı, ömürlük immunitet yaranır.

Virus plasenta (cift) vasitəsi ilə dölə keçərək, hamiləliyin pozulmasına, doğulacaq uşaqda müxtəlif inkişaf qüsurlarının əmələ gəlməsinə (karlıq, ürək qüsurları, mərkəzi sinir sisteminin zədələnməsi və s.) səbəb ola bilər.

Məxmərək xəstəliyindən qorunmağın ən yaxşı yolu peyvənd edilməsindən ibarətdir. Məxmərəyə garşı peyvənd olunmamış və yaxın zamanlarda hamilə olmağı planlaşdıran qadınlar buna xüsusi diqqət yetirməlidirlər.

postheadericon Qızılca


Bu kəskin infeksion xəstəliyi qızılca virusu törədir. İnfeksiya xəstə insandan hava-damcı yolu ilə (asqırarkən, öskürərkən) digər insanlara keçir. Virus çox uçucu və davamlı olub uzaq məsafələrə yayıla bilər.

İstənilən yaşda olan uşaqlar və böyüklər bu xəstəliyə yoluxa bilərlər.

Xəstəlik hərarətin yuksəlməsi ilə başlayır, uşaq əzgin, zəifləmiş olur, burundan xeyli miqdarda əvvəlcə selikli, daha sonra selikli-irinli ifrazat xaric olur, xırıltılı səs, öskürək qeyd edilir. Gözlər qızarır, işıqdanqorxma, gözün tez-tez yaşarması baş verir.

Xəstəliyin 2-3-cü günü praktik olaraq bütün bədən xırda qırmızımtıl səpgilərlə örtülür. Xəstəliyin 4-5-ci günü səpgilər qəhvəyi rəng alır. Qızılca zamanı müxtəlif fəsadlar da (pnevmoniya, otit, enterokolit) baş verə bilər. Qızılca xəstəliyindən ölüm halları da baş verə bilir (xoşbəxtlikdən çox nadir hallarda – əksərən kiçik yaşlı körpələrdə).

Qızılca xəstəliyinin müalicəsi əsasən ev şəraitində aparılır. Xəstəxanaya ancaq kiçik yaşlı uşaqları yerləşdirirlər (fəsad vermək qorxusu olduğundan). Uşağın olduğu otaq mütəmadi olaraq nəm əsgi ilə silinməli, havası tez-tez dəyişdirilməlidir. Otağa işıq düşməsini maksimal şəkildə məhdudlaşdırmaq lazımdır. Uşağın əl-üzünü tez-tez yumaq, gündə 1-2 dəfə gözlərini yumaq, hər qida qəbulundan sonra isə ağızı yaxalamaq (stomatitin profilaktikası üçün) lazımdır.

Xəstə uşağın qidası ilıq, yumşaq şəkildə olmalı, ona mümkün qədər çox miqdarda mayelər (şirələr, üzüm və itburnu dəmləmələri, ilıq süd, limonlu və ballı çay) vermək lazımdır. Antibiotiklər əsasən 3 yaşınadək olan uşaqlara (həmçinin fəsadlaşmış hallarda) təyin edilir.

Xəstəlik keçirildikdən sonra orqanizmdə ömürlük immunitet formalaşır.

Digər infeksion xəstəliklər kimi, qızılca xəstəliyindən də qorunmağın ən yaxşı yolu müvafiq peyvəndin edilməsindən ibarətdir.

postheadericon 6 aya qədər körpənin qidası

Bu aylarda ana südü ilə birlikdə verilən əlavə qidalar körpənin əmmə ehtiyacını azaldacağından ana südündən kifayət qədər faydalanmasına mane olar. Dörd aydan əvvəl körpənizin ana südü xaricində suya ya da başqa mayelərə (bitki mənşəli çaylar, meyvə şirəsi, ve s.) ehtiyacı yoxdur. Doğumdan sonra ilk günlərdə ifraz olunan ana südü çox bəsləyicidir. Körpənizi tez-tez (1-2 saat aralarla və ya hər ağladığında) əmizdirərək bu süddən faydalanmasını təmin edin. Ana südü ilə bəslənən körpələrə 4. həftədən başlayaraq D vitaminli  damla ya da siropu nizamlı istifadə edin.  Körpənizi əmizdirərkən rahat bir mövqedə oturun. Körpənizin tək məmə ucunu deyil, məmə ucu ətrafındakı tünd rəngli hissəni də qavramasına diqqət yetirin. Sinə uclarında ağrıma, çatlaq kimi vəziyyətlər görülə bilər. Belə bir vəziyyətdə körpənizi doğru texnikala əmizdirməyə davam edin.  Körpəniz bir məmə ilə bəslənmiş isə bir sonrakı əmizdirmədə digər süd verilməlidir. İki süd verilmişsə bir sonrakı paya son verilən tərəfdən başlanar.   Bütün anaların südü faydalıdır. Ana südü ilə bəslənən körpələr hər bəslənmədən sonra nəcisə çıxa bilərlər. Bu vəziyyət normaldır. Körpənizi sıx bəsləyin çünki sinələrin boşalması ilə süd istehsalı artar. Əmizdirmədiyiniz vəziyyətlərdə sinənizi əllə sağaraq və ya süd nasosu köməyiylə mütləq boşaldın.  Körpənin kifayət qədər ana südü aldığını , həftədə ən az 150 qr. kilo alması və gündə ən az 6-7 dəfə bezini islatması ilə aydın olar.   Əmizdirən analar gündə ən az 2 su stəkanı süd və ya qatıq istifadə etməli , bütün qida qruplarından nizamlı olaraq yeməlidir. Əmizdirən analar SİQARET ÇƏKMƏMƏLİDİRLƏR!!! Çay və qəhvə içilməməli və ya az istifadə edilməlidir.  İşləyən analar südlərini sağaraq saxlaya bilərlər. Ana südü otaq istiliyində 6 saat, soyuducu rəfində 24 saat, dərin dondurucuda 6 ay dəyərini itirmədən gözlədilə bilər. Saxlanan ana südü heç bir zaman qaynadılmamalıdır. İstifadə etmədən əvvəl  qab isti suda gözlədilərək isidilməlidir.

postheadericon Şirinlər

postheadericon Hamilə qalmağa komək edən bitkilər.

Uşaq istəyən xanımlar üçün soğanın faydası.
Bir dənə orta böyüklökdə soğanı qabığını soyub dörd yerə bölürük.Əvvəlcədən qaynadılmış 2stəkan suyun içində 5dəqiqə qaynadırıq.İçinə başqa heç bir şey əlavə etmək olmaz.Hər günorta və axşam yeməyindən yarım saat əvvəl yəni gündə iki dəfə bir stəkan içirik.Haziırlanmış məhlul bir günlük nəzərdə tutulub.Bunu 15 gün davam eləyin.Bunu aybaşı zamanıda qebul etmək olar.Amma daha yaxşı kömək olsun deyə aybaşı dovrü birdikdən sonra edin.15 günden daha artiq isrifadə etmək olmaz.Birdə ikinci aybaşının başlamasına 5-7 gün qalmış birdə istifadə edin.bu mehlul hemde qadin cinsi orqanınıN xerceng xesteliyinin qarşısını alır.

Quru əncirin faydası.
8-9 dene quru incil görürürük.Soyuq su ilə yuyuruq.Əvvəlcədən qaynadılmış 1 litr suda 8-9 deqiqə qanadırıq.İlıq olduqdan sonra mehlulun yarısını səhər yeməyindən sonra,yarısınıda axşam yeməyindən əvvəl içirik.Rahat olsun deyə cox hazirlamayın.Bu mehlul gündəlik hazırllanmalıdır.Hər gün təzə-təzə hazırlanmalıdır.Bunu 20-25 gün davamlı şəkildə qəbul edin.Daha effektli olsun isrəyirsinizsə yumurta boyda soganı (qizmizi yox sarı qabıqlı)kiçik-kiçik dograyıb üzərinə 1y.q sumaq səpin.Yeməkdən 15 dəqiqə əvvəl yeyin.Bunu həftədə 4dəfə edə bilərsiniz.(İstəyə görə)Bu həmdə yumurtalıq kisti-polikistik overdendə qoruyacaqdır
Hamilə qalmağa kömək edən bitkilər.
NANƏ -təzə nanə salatlarda istifadə etmək lazımdır.1litr suya 10 qram nanə töküb dəmləyin.Aybaşı zamanı sancı olandada istifadə edin.Yaxşı effekt verir.
ZƏNCƏFIL-Bütün bədəni oyadır.Qadınlarda və kişilərdə cinsi istəyi artırır
DARÇIN-Cinsəl istəyi artırır.Hormonları işlədir.Bədənin gücünü artırır.Qadinlarda ağ axıntını azaldir.
RAZYANA-Hormon pozunlularında,hamilə qalmağın tez baş tutmasında böyük kömək edir.Yeməyin üzərinə səpib
yemək lazimdır.
QARABİBƏR-Bütün bədəni oyadır.Kişilərdə və qadınlarda cinsəl istəyi artırır.Sidikqovucu rolunu oynayır.Əsəbləri sakitləşdirir.Qanazliğına kömək edir.
VANİLYA (VANİL)-Cinsəl istəyi artırır.Depresyona komək edir.Bədəni,əsəbləri gücləndirir.
ADAÇAYI-Hamilə qalmaqda böyük kömək edir.1stəkan suya 1 paçka adaçayı qoyub dəmləyirik.Ürəyə hamilə qalmağa kömək edir.Tez tez içildiyində bədəni gücləndirir.
MIXƏK-Hamilə qalmağa böyük kömək edir.Hər gün yeməkdən sonra yeyilən bir mixək hormonları işlədir.Normal doğuş edəcək qadın doğmağa bir ay qalmış 1stəkan suya 1 mixək atib 5 deqiqə demleməlidir.Bu daha asan doğmağına kömək edəcəkdir.

postheadericon Dabanlara Qulluq

Bəzən istəməsək də dabanlarda çatlar əmələ gəlir.Bunun aradan qaldırılması üçün ev şəraitində bəzi proseduralar etmək məsləhətdir.

1) Vannaya təxminən 5-7 l isti su tökün.Həmin suya 1 x.q soda və 2 x.q. istənilən maye sabun əlavə edin. Ayaqları bu suda su ilıq olana kimi saxlayın.

Problemli hissəni süngərdaşı (dabandaşı ) ilə sürtün, sonra ayaqları təmiz su ilə yaxalayıb dəsmalla qurulayın və dabanınıza yağlı krem çəkin.

Kremin hazırlanması :

Yağlılığı yüksək olan istənilən kremin 1 tübikini 2x.q. gənəgərçək və ya zeytun yağı ilə qarışdırın, hazır məhlulu dabanınıza sürtdükdən sonra pambıq corab geyinməyiniz məsləhətdir. Bu prosedurani axşam yatmazdan əvvəl etmək məqsədəuyğundur.

2) Yatmazdan əvvəl corabın içinə xardal tozu töküb geyinin, bu corabın üstündən də bir az qalın corab geyinib yatın. Yaxşı olardı ki, səhəri gün bu corablar axşama kimi ayağınızda qalsın. Corabı çıxartdıqdan sonra qurumuş dəri asanlıqla süngərdaşı ilə təmizlənir. Sonra dabanlara krem çəkilir.
Bu proseduranı həftədə 1 dəfə etmək olar.

postheadericon Uşaqlıqdan kənar hamiləlik


Normal hamiləlik zamanı ,mayalanmış yumurtahüceyrə uşaqlıqda məskən salır,yaxud tibbi dildə desək implantasiya olunur.Yumurtahüceyrə və spermatozoidin mayalanması uşaqlıq borusunda baş verir,bundan sonra isə ,bölünməyə başlayan ziqot,dölün inkişafı üçün hər cür şəraiti olan uşaqlığa doğru irəliləyir.
Lakin mayalanmışyumurtahüceyrə uşaqlıq borularının birində kləngiyərək uşaqlığa düşməyə bilər(uşaqlıqdan kənar hamiləliklərdə 95% hallarda belə olur),bəzən isə,çox nadir hallarda hamiləlik qarın boşluğunda və yumurtalıqda inkişaf edə bilər.

Uşaqlıqdan kənar hamiləliyin səbəbləri.
Bu patologiya,uşaqlıq borularında mayalanmış yumurtahüceyrənin uşaqlğa doğru irəliləməsinə maneçilik yaradan bəzi quruluş pozuntuları səbəbindən baş verir.Ən başlıca səbəb-uşaqlıq və onun artımlarının və ya sidik kisəsinin iltihabi xəstəlikləridir.Bundan əlavə,uşaqlıq borularının anadangəlmə anomaliyaları,xoş xassəli şişləri,uşaqlıq borularında icra olunmuş cərrahi əməliyyatlar,endometrioz(uşaqlıq selikli qişasının iltihabi xəstəliyi),eləcə də abortlar və hormonal pozğunluqlar uşaqlıqdan kənar hamiləliyin inkişafına gətirib çıxara bilər.Bütün bu faktorlar uşaqlıq borularının mənfəzinin daralmasına və peristaltikasının (hərəkətliliyinin) azalmaslna səbəb olur ki,bu da keçiriciliyi pozur.
Uşaqlıqdan kənar hamiləliyin əlamətləri.
İlk vaxtlar-adi hamiləlik kimi:menstruasiyanın gecikməsi,iştahanın dəyişməsi,ürəkbulanma,qusma,süd vəzlərinin bərkiməsi kimi müşahidə olunur.Bəzən isə qarnın aşağı hissəsində zəif ağrılar olur,buna isə az əhəmiyyət verildiyindən,ağırlaşmamış uşaqlıqdan kənar hamiləliyi(daha dəqiq isə boru hamiləliyini) həkimlər nadir hallarda erkən diaqnostika edirlər.Adətən bu proses 4-6-cı həftədə sonlanır və bu da müxtəlif şəkildə baş verə bilər.Bəzən Boru Abortu baş verir,bu zaman embrion toxuması uşaqlıq borusu divarına birləşdiyi yerdən qopur ,belə olan vəziyyətdə embrion uşaqlıq borusunda da qala bilər,qarın boşluğuna da düşə bilər,hər bir halda hamiləlik inkişafı sonlanmış olur.
Bir çox hallarda isə uşaqlıq borusu,böyüyən emrionun təzyiqinə davam gətirməyək partlayır.
Bu zaman simptomlar daha aşkar olur ,onlara əhəmiyyət verməmək mümkün deyil.-Qarnın aşağısında güclü ağrı,ümumi zəiflik,avazıma,tərləmə,bəzən isə bayılma.Borunun partlaması ilə həyati təhlükə törədən massiv qanaxma yaranır.
Uşaqlıqdan kənar hamiləliyə şübhə varsa nə etməli?
İlk öncə,əgər ağrı və qanaxma varsa mütləq Təcili Yardım çağırmaq!Həkim gələnə kimi heç bir tədbir görməmək:ağrıkəsici qəbul etmək,qarına isitqac yaxud buz qoymaq və imalə eləmək olmaz.
Uşaqlıq borusunun partlaması və daxili qanaxma ola hallarda təcili cərrahi müdaxilə həyati vacib bir addımdır.Bu zaman,həkimlər zədələnmiş uşaqlıq borusunu çıxartmaq məcburiyyətində qalırlar,bu qadını yenə hamilə qalmaq və normal yolla uşaq dünyaya gətirməsinə maneçilik törətməz(təbii ki,əgər digər uşaqlıq borusunun fəaliyyəti normaldırsa).
Son zamanlar,boru hamiləliyinin müalicəsində medikamentoz metodlar(dərman müalicəsi) araşdırılır.Ağırlaşmamış boru hamiləliyində borularda plastik əməliyyat da icra olunur.Bu zaman nəinki onun anatomik tamlığı qorunub saxlanılır,eyni zamanda,keçiriciliyə də bərpa olunur.
Uşaqlıqdan kənar hamiləliyə gətirib çıxaran səbəbi aşkar etmədən və aradan qaldırılmasa-onun təkrarlanmasının qaçınılmaz olduğunu unutmamaq çox vacibdir.
Uşaqlıqdan kənar hamiləliyin diaqnostikası.
Ginekoloq müayinəsi ilə yanaşı ,transvaginal USM(-ötürücünün uşaqlıq yoluna daxil edilməsi ilə)hamiləliyin ikinci həftəsində diaqnoz qoymağa kömək edəcək
Uşaqlıqdan kənar hamiləlikdən qorunma üsulları.
İlk növbədə kiçik çanaq orqanlarının iltihabi xəstəliklərini vaxtında müalicə etdirmək.Planlaşdırılmış hamiləlikdən öncə xlamidiya,ureaplazma,mikoplazma və s. Patogen mikrobları aşkara çıxara bilən kompleks müayinələrdən keçmək,analiz vermək lazımdır.Bu analizləri ,qadınla yanaşı,onun həyat yoldaşı da verməlidir.
Abort-uşaqlıdan kənar hamiləliyin əsas səbəkarlarından biridir.Müasir kontrasepsiya üsulları haqqında xatırlatmağa ehtiyac varmı?
Uşaqlıqdan kənar hamiləliklə əlaqədar keçirilmiş əmliyyatdan sonrakı reabilitasiya çox vacibdir və növbəti hamiləliyə bir növ hazırlıqdır.Bu müddət ginekoloqnəzarətində və bir neçə mərhələdə keçir.
Mütəxəssislər qeyd edir ki,borularda aparılmış əməliyyatdan sonra hamilə qalmaq üçün yarım il-bir il ən yaxşı müddətdir.

postheadericon Polikistoz

Polikistoz yumurtalıqlar sindromu və hamiləlik
Sonsuzluğa səbəb olan ən çox yayılmış xəstəliklərdən biri də hormonal fonun dəyişilməsi nəticəsində yaranan “polikistoz yumurtalıqlar sindromu” adlanır. Bu xəstəlik zamanı yumurta hüceyrəsinin ovulyasiyası, yəni yumurtalıqdan çıxması baş vermir.

Polikistoz yumurtalıqlar sindromu ilə əlaqədar olan sonsuzluğun müalicəsi üçün qadına hormonal dərman pre

paratları təyin edilir. Bu zaman ilk növbədə, yumurta hüceyrəsinin yetişməsini tam şəkildə “dayandıran” hormonal dərman preparatlarından istifadə edilir. Bu preparatın qəbulunu dayandırdıqdan sonra, “istirahət etmiş” yumurtalıq tam gücü ilə işləməyə başlayır və nəticədə yumurta hüceyrəsi tam yetişir, ovulyasiya olunur və hamiləliyin baş verməsi mümkün olur.

Bu ilkin müalicə kursu kömək etmədiyi halda, həkim tərəfindən yumurta hüceyrələrinin yetişməsini və ovulyasiyanı stimullaşdıran hormonal dərman preparatları təyin edilir. Yumurta hüceyrələrinin yetişməsi prosesinə isə həkim USM-nin köməkliyi ilə (follikulometriya) nəzarət edir. Əksər hallarda bir və ya bir neçə belə stimulyasiya kursundan sonra qadında ovulyasiya prosesi bərpa olunduğu üçün arzu olunan hamiləlik də baş verə bilər. Əfsuslar olsun ki, bu heç də hər zaman belə olmur. Məsələ ondan ibarətdir ki, polikistoz zamanı yumurtalığın xarici qişası xeyli dərəcədə qalınlaşmış olur (daxildən yüzlərlə sayda yetişməyən və kiçik kistalara çevrilmiş yumurta hüceyrələrinin ona birləşməsi nəticəsində). Məhz buna görə xəstəlik polikistoz adlandırılır (“poli” — çox, “kista” – kistalar). Bu halda, stimulyasiya nəticəsində tam şəkildə yetişmiş yumurta hüceyrəsi yumurtalığın xeyli qalınlaşmış qişasını yararaq xaricə çıxa bilmir.

Belə halda həkimlər cərrahi müdaxiləyə əl atırlar. Əməliyyat zamanı yumurtalığın xarici təbəqəsinin (qişasının) bir hissəsi ya cərrahi yolla xaric edilir, ya da elektrokoaqulyasiya edilir (elektrik cərəyanı köməyi ilə yumurtalıq qişasının bir hissəsi yandırılır). Hazırda bu əməliyyatlar zamanı laparoskopiya üsulundan geniş istifadə olunur. Laparoskopik əməliyyatın aparılması üçün lazım olan tibbi alətlər qarın boşluğuna qarının ön divarından kiçik kəsiklər (1 sm.) aparılması yolu ilə daxil edilirlər. Bu cərrahi əməliyyatdan sonra yumurtalığın xarici qişası bir qədər nazilmiş olur ki, bu zaman yetişmiş yumurta hüceyrəsi onu yararaq yumurtalıqdan xaricə çıxa bilir. Əgər qadının cinsi orqanlarında digər patoloji hallar yoxdursa (uşaqlıq sağlamdırsa, uşaqlıq borularının keçiriciliyi pozulmamışdırsa və s.), bu halda hamiləlik baş tuta bilər. Əlbəttə ki, cərrahi müdaxilə də 100% müsbət nəticə verməyə bilər. Ancaq onun effektivliyi, yalnız hormonal stimulyasiya üsulu ilə müalicə aparıldığı haldan xeyli dərəcədə artıq olur. Əfsuslar olsun ki, cərrahi yolla yumurtalıqlarda aparılan müalicə qısa bir müddət ərzində (bir ilə yaxın) müsbət nəticələr verir. Bundan sonra əməliyyat olunmuş yumurtalığın xarici qişası yenidən qalınlaşır. Ancaq əksər hallarda bu müddət hamiləliyin baş verməsi üçün yetərli olur. Bəzi qadınlarda isə doğuşdan sonra hormonal tarazlıq normallaşır.

Ən Son Fikirlər
Banner
Facebook
Təqvim
Sent.. 2012
Pts Sal Çar Per Cum Cts Paz
« Avqu   Eki »
 12
3456789
10111213141516
17181920212223
24252627282930

Get Widget