Sponsor Reklam

postheadericon Tortlar

“Pavlova” Tortu“Pavlova” Tortuİstifadə olunan məmulatlar:

Bizeni hazırlamaq üçün:

4 ədəd iri yumurtanın ağı (otaq tempraturunda olmalı və qətiyyən soyuq olmamalıdır!)
1 çay qaşığı alma sirkəsi
1 çay qaşığı qarğıdalı nişastası
1 fincan / 190 qr rafinə edilmiş – xırdalanmış şəkər tozu /əgər yoxdursa o zaman mətbəx kombaynında xıradalamq olar,lakin şəkər pudrasına çevrilməməlidir/
Yarım çay qaşığı tam vanil ekstraktı

Krem üçün:

Yağlılığı 35-40% olan 300 ml qaymaq /mütləq soyuq olmalıdır/
1 çay qaşığı şəkər tozu

Üzərini bəzəmək üçün:

Qarışıq giləmeyvələrdən təzə moruq və qaragilə, nanə yarpağı və şəkər pudrası.

Hazırlanması:

Soba 100 C dərəcə tempraturda qızdırılır. Bize bişiriləcək list /tava/ sobanın orta rəfində yerləşdirilir.
Böyük,təmiz və quru qabın içərisinə yumurtanın ağı tökülür,köpüklənənədək orta sürətlə mikser vasitəsiylə çalınır.
Üzərinə alma sirkəsi və qarğıdalı nişastası əlavə edilir. Təxminən 3 dəqiqə ərzində yumşaq köpük qalxana kimi yenidən çalınır.
Şəkər tozu az –az, hər dəfə 1 qaşıq tökülməklə əlavə edilir və kütlə bərkiyənəcən daha 5 dəqiqə çalınır. Kütlənin hazır olub-olmadığını bilmək üçün mikserin çəlgəlləriylə kütlədən bir qədər götürülür,əgər qarışıq axmırsa və bərk vəziyyətdə miskerin çəngəlində qalırsa deməli hazır hesab olunur. Sonda vanil ekstraktı əlavə edilib kütləyə qarışdırılır.
Listin /tavanın/ üzərinə perqament kağızı yerləşdirilir. 25 sm diametrlik boşqabın ağız hissəsi perqament kağızının üzərinə qoyulub qələmlə dairə çəkilir. Kağızı o biri üzünə çevrilməlidir. Alınmış dairəvi forma bize üçün lazım olacaq. Belə ki, hazır bize kütləsi qaşıqla götürüb səliqəylə perqament kağızının üzərinə həmin dairə formasınca yayılmalıdır. Orta hissə isə bir qədər çökək olmalıdır. Çünki sonradan bizenin ortasına krem qoyulacaq.
Qapağı açılmadan ,1 saat 40 dəqiqə ərzində bize bərkiyənədək bişirilməlidir. Yadda saxlamaq lazımdır ki- bizenin rəngi ağ olmalıdır! Bize bişdikdən sonra soba söndürülür və qapağı açılmadan heç olmasa 2 saat tam soyuyanadək bize sobada qalmalıdır. Bişmiş bizenin üzəri kövrək, içərisi zefir kimi yumşaq olur.
Sonra bizeni sobadan çıxarıb səliqə ilə perqament kağızından ayırmaq və altlıqlı lövhə sini /podstavka/ üzərinə qoymaq lazımdır.
Bu arada, krem hazırlamaq üçün orta ölçülü qabda qaymaq və şəkər tozu qatılaşana kimi mikserlə çalınır. Hazır krem qaşıqla bizenin ortasına eyni bərabərlikdə əlavə olunur. Üzərinə qarışıq giləmeyvələr- moruq və qaragilə qoyulur, nanə yarpağı ilə bəzədilir. Meyvələrin üzərinə az miqdarda şəkər pudrası səpilir.
Diqqət! Tort hazırlanandan dərhal sonra sevris edilməlidir. Çünki çox qalıdıqda bize üzərindəki kremin təsirindən sovrulur və kəsdikdə isə büzüşəcək.

Napoleon TortuNapoleon Tortu.Xəbərin ardından peseptİstifadə olunan məmulatlar:

Xəmir Üçün:

200 q soyuq kərə yağı – iri-iri doğrayın
4 stəkan un
1 yumurta
1 stəkan xama

Krem Üçün:

3 yumurta
1 stəkan yarım şəkər tozu
6 xörək qaşığı un və ya qarğıdalı nişastası (qaşığı çox doldurmayın)
4 stəkan süd
200 q kərə yağı

Hazırlanması:

Əvvəlcə kremi hazırlayın. Kasada yumurta və şəkəri bir az rəngi açılana qədər çalın. Alınan kütləni bir qazana boşaldın. Üstünə un və südü əlavə edin və yaxşıca qarışdırın kı, un açılsın. Sonra bu kütləni orta odda qarışdıra-qarışdıra qatılaşanadək bişirin, təxminən 6-7 dəqiqə. Kənara çəkin. Qoyun bir 10 dəqiqə soyusun. Sonra üstünə kərə yağını əlavə edib krem halına gələnədək mikserkə çalın. Kremi soyuducuya qoyun.

Napoleon Tortu

İndi isə xəmiri hazırlayın. Bunun üçün qaba un və kərə yağını qoyun. Bunları ya bıçaq, ya da barmaqlarınızla iri umac əldə edənə qədər döyün.

Napoleon Tortu

Ayrı qabda yumurta və xamanı qarışdırın. Sonra bu qarışığı unlu-yağlı qarışığa əlavə edin. Əlinizlə xəmir əldə edənə kimi qarışdırın. Xəmir yumuşaq və zərif olmalıdır (qeyd: adətən 4 stəkan un kifayət olur, amma əgər xəmir hələ də ələ yapışırsa, onda ona bir az da un əlavə edin).

Napoleon Tortu

Xəmiri 7 hissəyə bölüb kündələyin (8 kündə də ola bilər, istəsəniz). Kündələri sellofana büküb 2 saatlığa soyuducuya qoyun.

Napoleon Tortu

Xəmir soyuduqdan sonra bişirilməyə hazırdır.

Sobanı 200Cdək qızrıdın.

Kündələri bir-bir bişirin. Bunun üçün hər kündəni oxlovla təxminən 28 sm-lik kvadrat şəklində nazik-nazik açın. Formanızın ölçüləri fərqlidirsə, layların ölçüsünü ona görə edin. Laylar nazik olmalıdır, şəkildə gördüyünüz kimi. Açdığınız layı formaya yerləşdirin (formanı yağlamayın!). Əgər cırılan yerləri varsa, xəmirlə yapışdırın. Layın üstünü çəngəllə 3-4 yerdən deşin. Bunu ona görə edirsiniz ki, xəmir sobada çox qabarmasın. Qabarsa da, narahat olmayın. Sonrakı mərhələdə onları *partladacaqsınız*.

Napoleon Tortu

Hər layı 6-8 dəqiqə ərzində üstü bir az qızarana qədər bişirin. Tez-tez baxın ki, yanmasınlar. Hazır layın üstü yarı ağ, yarı qızarmış yamaqlar şəklində olacaq ki, bu, belə də olmalıdır. Bütün kündələri eyni şəkildə açıb bişirin. Bişən layları ehtiyyatla bir-birinin üstünə yığın. Ən çox bişən və ya qırılan layı ovub kənara qoyun, bu ovuntunu sonrakı mərhələdə tortun üstünə səpəcəksiniz.

Napoleon Tortu

İndi isə layları aralarına bol-bol krem çəkmək şərtilə üst-üstə yığın. Layların qabarıqları varsa, onları çəngəllə *partladın*. Kremi layların kənarlarına daha da bol çəkin, çünki tortun kənarları ən çətin yumuşalandır.

Napoleon Tortu

Kənara qoyduğunuz ovuntunun bir hissəsini tortun üstünə, digər hissəsini isə kənarlarına səpin. Tortunuzun kənarları bir o qədər səliqəli deyilsə, onda ora ovuntu səpməyin. Gözləyin tort yumuşalsın, sonra kənarlarını bıçaqla kəsib düzədin və ovuntu səpin.

Napoleon Tortu

Qoyun tort ən az 7-8 saat ərzində və ya gecədən səhərədək otaq hərarətində yumuşalsın. Yumuşaldığında Napoleon tortunuz hazırdır. Nuş olsun!

"Gecə mələyi" -  tortu“Gecə mələyi” – tortu

İstifadə olunan məmulatlar: 

Xəmir üçün:

1 stəkan un

100 qr kərə yağı

1 çay qaşığı soda

3 ədəd yumurta

2 stəkan şəkər tozu

2 xörək qaşığı kakao

1 xörək qaşığı bitki və ya yumuşaldılmış kərə yağı

Krem üçün:

1 stəkan qaymaq

4 xörək qaşığı səkər tozu

10 qr jelatin

100 qr sürtgəcdən keçirilmiş şokolad

Hazırlanması:

Əvvəlcə biskviti hazırlayın.Bunun üçün yumuşaldılmış kərə yağını şəkər tozu ilə birlikdə ağarana kimi çalıb üstünə çalınmış yumurta sarısını əlavə edin. Ayrıca yumurta ağını çalın və yumuşaldılmış kərə yaöı ilə qarişdırın.Ələnmiş una soda , kakao əlavə edib sonra yumurta ağı və yumuşaldılmış kütlənin üzərinə əlavə edib xəmir yoğurun.Xəmiri əvvəlcədən yağladığınız formaya boşaldıb190 – 200 dərəcədə 40 – 50 dəqiqə müddətində bişirin.
Kremin hazırlanması : qaymağı şəkər tozu ilə çalıb üzərinə jelatin əlavə edib yaxşıca qarışdırın.Daha sonra sokoladın yarısını sürtgəcdən keşirib bu kütlənin üzərinə əlavə edin və kütləni yaxşıca qarışdırın. Biskviti soyudub horizontal olaraq üç hissəyə ayırın.Bu hissələrin hər birıni kremləyin,yan tərəfləri biskvit qırıntıları ilə bəzəyin . Tortun üst tərəfinə krem sürtüb əridilmiş şokolad vasitəsi ilə müxtəlif bəzəklər vurub süfrəyə verin.

"Snikers" tortu

“Snikers” tortu

İstifadə olunan məmulatlar:

9 ədəd yumurta
5 xörək qaşığı kakao
3 stəkan şəkər tozu
2 xörək qaşığı üyüdülmüş quru çörək ( suxarı)
3 xörək qaşığı kraxmal
Qoz ləpəsi ( və ya xırdalanmış araxis)
2 xörək qaşığı xama
300 qr kərə yağı

Hazırlanması:

Yumurtanın ağınl 3 çay qaşığı kakao, yarım stəkan şəkər , quru çörək ( suxarı), kraxmal və xırdalanmış qoz ilə qarışdırın.Xəmiri yağlanmış formaya qoyub tam odda hazır olana kimi bişirin.Krem hazırlamaq üçün tumurta sarısını yarım stəkan şəkər ilə çalın və iki xörək qaşığı kakao tozu, xama əlavə edib yenidən qarışdırın.Alınmış kütləni qatılaşıb bərkimək üçün vam odun üstünə qoyun.Sonra kərə yağı əlavə edib qarışdırın.Hıazırlanıb soyudulmuş xəmiri yaxşıca kremləyib ona şəkildəki formani verib bəzəyin.

Qaragiləli ,xamalı yeni il tortu

Qaragiləli, xamalı yeni il tortu

İstifadə olunan məmulatlar:

3 şokoladlı biskvit
450 qr qaragilə kompotu
3/4 litr 36%- lik xama
2 xörək qaşığı moruq şirəsi
100 qr şokolad

Hazirlanması:

3 hündürlüyü 1 sm olan şokoladlı biskvit hazırlayın( hazır biskviti magazadan almaq da olar).Əgər biskvit qurudursa portoğal şirəsində isladının.12 xörək qaşığı qaragilə kompotunu kənara qayub qalanını qarışdırın.Soyuq xamanı çalın və bu prosesin axırında qzərinə moruq şirəsi əlavə edin.Xamanın yarısını qaragilə kompotu ilə qarışdırınvə iki biskvitin arasını bu kremlə doldurun.Qalan xamanın bir hissəsi ilə tortun üstünü krümləyin bir hissəsindən isə ürək və ulduz formaları düzəltmək üçün istifadə edin.Sürtgəcdən keçirilmiş şokoladi tortun üstünə səpin və sonra əridilmiş şokoladddan ürək və ulduz formaları düzəldərək ətrafı giləmeyvə ilə doldurub bəzəyin.

"Kiyev" tortu

“Kiyev” tortu

Xəmir üçün istifadə olunan məmulatlar:

Bir stəkan şəkər tozu
150 qr qoz ləpəsi
8 yumurtanın ağı
Bir stəkan un
vanil

Krem üçün istifadə olunan məmulatlar:

2 xörək qaşığı şəkər
2 yumurta sarısı
Bir qutu yağ (100 qr)
10 qr kakao
Bir xörək qaşığı su
Qatılaşdırılmış süd 200 qr
Konyak bir çay qaşığı

Hazırlanması:

Yumurta ağını çalıb üzərinə şəkər, xırdalanmış qoz ləpəsini,vanil və un əlavə edin( bu zaman kütləni dayanmadan qarışdırın) Xəmiri üç hissəyə bölün hər birini ayrıliqda perqament kağızında 90 dəqiqə müddətində bişirin.
Su ilə səkəri həl edib qaynadın və üzərinə qatılaşdırılmış süd, yumurta sarısı, yağ,konyak, vanil əlavə edib yaxşıca eyni cinsli kütlə əmələ gələnə qədər qarışdırın.Alınmış kremin yarısına kakao qatıb tündləşdirin.Biskvitlərin arasını ağ kremlə doldurun ,üst tərəfini isə tündrəngli kremlə örtüb üzərini şokoladla bəzəyin.

Tort «Brauni»

Tort «Brauni»

İstifadə olunan məmulatlar

Krem üçün:

175 qr ağ şokolad
150 qr xama

Xəmir üçün:

150 qr qoz ləpəsi
100 qr şokolad
225 qr buğda unu
20 qr kakao tozu
2 ç.q. qabartma tozu
100 qr şəkər tozu
100 qr qəhvyi rəngli şəkər tozu
225 ml bitki yağı
1 paket şəkərli vanil
1/2 ç.q. duz
3 ədəd yumurta
2 ç.q. süd
50 qr portağal qabığı

Bəzək üçün:

100 qr qara şokolad
6 ədəd təmizlənmiş qoz ləpəsi

Hazırlanması 

1. Bu tort üçün krem bir gün əvvəldın hazırlanır. Ağ şokoladı kiçik hisələrə doğrayıb vam odda xama ilə birlikdə su hamamında əridin. Kütləni ayri qaba qoyub soyuducuda səhərə kimi saxlayın.
2. Xəmiri hazırlamaq üçün: qoz ləpəsini və şokoladı iri – iri doğrayın; Unu qabartma tozu və kakao yozu ilə qarışdırıb ələyin və yoğurmaq üçün başqa qaba tökün.Bütün istifadə olunan məmulatları əlavə edib (qoz və şokoladdan başqa) mikser ilə qarışdırın .Sonra alınmıç kütləyə qoz ləpəsi və şokoladı da əlavə edib bir də qarışdırın.
3. Xəmiri diametri 20 sm olan və dibi yağlanmış formaya boşaldıb hamarlayın. Sonra 180 dərəcəyə kimi qızdırılmış fırına yerləşdirin. 60 dəqiqə müddətində bişirin.
4. Daha sonra tavanə kənara qoyub soyudun və biskviti çıxardın.
5. Krem üçün: xamanı yaxşıca çalın və xırda – xirda doğranmış portağal qabığını əlavə edib yenidən qarışdırın.Tortun biskvitinin üzərinə hazırlanmış kütləni çəkin.
6.Tortun bəzədilməsi üçün: şokoladı bölun və su hamaminda əridin. Əkinmiş şokoladı konus şəkilində bükülmüş falqaya doldurub tortun üstünə naxışlar salın. Şokolad donmamış qoz ləpələrini tortun üzərinə düzün və bir qədər soyuducuda saxlayib süfrəyə verin.

Çiyələkli-Qaymaqlı - Kremli Tort

Çiyələkli-Qaymaqlı – Kremli Tort

İstifadə olunan məmulatlar:

Bir ədəd klassik biskvit
Vanilli tort şərbəti (resept aşağıda verilib)
Qaymaqlı krem (resept aşağıda verilib)
Təxminən 1 stəkan halqalara bölünmüş çiyələk
Hazirlanmasi:
Klassik biskviti adi qaydada bişirin. Kənara soyuması üçün qoyun və şərbətlə kremi aşağıda göstərilən qaydada hazırlayın.

Vanilli Tort Şərbəti

üçdə bir stəkan şəkər tozu
üçdə bir stəkan su
yarım limonun suyu (təxminən 3 xörək qaşığı)
1 çay qaşığı vanil ekstraktı (duru vanil)

Balaca qazanda şəkər tozu və suyu qaynadın. Şəkər əriyəndə, qazanı kənara çəkib içinə limon suyu və vanil ekstraktını əlavə edin. Qoyun kənarda soyusun.

Qaymaqlı Krem

1 stəkan yarım soyuq qaymaq
3 xörək qaşığı şəkər kirşanı (pudrası)
yarım çay qaşığı vanik ekstraktı (duru vanil – zəruri deyil)

İri qabda qaymaq, şəkər kirşanı və vanili mikserlə kütlə bir az bərkiyənədək çırpın.

Tortun Yığılması:

Soyumuş biskviti iti bıçaqla ikiyə bölün. Bir yarısını kəsilmiş tərəfi üstdə olmaq şərtiylə yastı yerə qoyun.

Fırçayla şərbətin yarısını bu biskvitin üstünə çəkin. Kremin yarısından bir az azını üstünə yayın. Bunun üstünə çiyələkləri lay şəklində düzün (çiyələkdən bir neçəsini bəzək üçün saxlayın).

Biskvitin digər yarısını kəsilmiş tərəfi yuxarıda olmaq şərtiylə çiyələklərin üstünə yerləşdirin. Qalan şərbəti fırçayla üstünə çəkin. Qalan kremi bu biskvitin üstünə və tortun kənarlarına çəkin. Tortu çiyələklə bəzəyin. Hazır tortu dərhal soyuducuya qoyun və sərin olaraq süfrəyə vedin.

5 Fikirlər - “Tortlar”

Fikir bildir

Ən Son Fikirlər
Banner
Facebook
Təqvim
Avqust 2014
Pts Sal Çar Per Cum Cts Paz
« Tem    
 123
45678910
11121314151617
18192021222324
25262728293031

Get Widget