SORĞU
Saytımızda onlayn mağaza olmasını istərdinizmi?
Bəli
       
Xeyr

Avstraliya üsulu ət piroqu

whatsappda paylaş Whatsapp-la göndər
Avstraliya üsulu ət piroqu
Tərkibi (4-6 pay):

ətli içlik:
300 q mal əti
1 baş soğan
1 diş sarımsaq
1,5 st. un
acı və ətirli istiot (zövqə görə)
1 x.q. vuster sousu
100 ml bulyon və ya su
2 budaq kəklikotu
göbələk (zövqə görə)
bitki yağı (qovurmaq üçün)
1 çimdik duz
1,5 yarpaq hazır qat-qat xəmir

ovuntuq xəmir:
200 q un
100 q kərə yağı
1-2 x.q. buz kimi su
1 çimdik duz

Əlavə:
yumurta sarısı
küncüt

Əti xırda doğrayın, istiot (ağ və qara) və duz qatılmış una hərtərəfli batırın (bunu paketdə etmək daha asandır).
Bitki yağında qovurun. Hərtərəfli qızarmış ətə xırda doğranmış soğan, əzilmiş sarımsaq, kəklikotu yarpaqları qatıb bulyon tökün (ət, yaxud tərəvəz bulyonu, qaynar su da olar). Ət tam hazır olunca bişirin. Soyudun.
Kərə yağını bıçaqla doğrayın, otaq temperaturunda bir qədər yumşaldıqdan sonra unla duzu qatıb döyün, sonra buz kimi suyu əlavə edib əlüstü qarışdırın və kündə tutub istifadə edecəyinriz vaxta qədər soyuducuya qoyun. Xəmir yumşaq və elastik alınmalıdır.
Xəmiri iki yerə bölüb hər birini formaların içinə döşəyin. Kənarlarını qaldırın. İçi yerləşdirin.
Əvvəlcədən otaq temperaturunda saxlanılıb donu açılmış qat-qat xəmiri yayıb həmin formalar üçün "qapaq" kəsin. Bu "qapaq"ları için üzərindən yerləşdirib ovuntuq xəmirlə kənarlarını birləşdirin. Üzərinə yumurta sarısı çəkib küncüt səpin.
Qat-qat xəmirin üzərində xörəyin buxarının çıxması üçün çəngəllə deşiklər açın. 200 dərəcə qızdırılmış sobada təxminən 20 dəqiqə bişirin (xəmir tam bişənədək).

Adətən belə piroqu süfrəyə yaşıl noxuddan hazırlanmış püre-şorba, həmçinin pomidorlu, yaxud nanəli sousla verirlər.
whatsappda paylaş Whatsapp-la göndər
Kateqoriya: Qidalanma
Baxış sayı: 164
  • Haqqımızda

    Korpem.net saytı 22 avqust 2012-ci ildə yaradılmışdır.
    Saytı yaratmaqda məqsəd analara yardımcı olmaqdır.
    Saytımızda yer alan məqalələr ananın hamilə dövrundən - körpənin böyüyüb məktəbəqədər dövrünü əhatə edir.
    Layihənin rəhbəri: Cabarov Beyrək
    Redaktor: Əhmədov Nurlan

    ƏLAQƏ

    E-mail: [email protected]

  • BİZİ FACEBOOKDA İZLƏYİN