SORĞU
Saytımızda onlayn mağaza olmasını istərdinizmi?
Bəli
       
Xeyr

Dəri və zamşa ayaqqabılarına qulluq

whatsappda paylaş Whatsapp-la göndər
Dəri və zamşa ayaqqabılarına qulluq
Zamşa ayaqqabıları təmizləmək üçün
Dırnaqları qaydaya salan bıçqı sayəsində zamşa ayaqqabıları səliqə ilə təmizləmək olar.

Dəri ayaqqabını təmizləmək üçün
Dəri ayaqqabıya düşən ləkəni sirkəyə batırılmış fırça ilə silmək olar. Ayaqqabıdakı çirk quruyandan sonra onu şotka ilə təmizləyib quru və təmiz əsgi ilə silin, sonra krem çəkib yenidən şotka ilə təmizləyin.
Laklı ayaqqabının təzə görünməsi üçün

Laklı ayaqqabının üstünə düşən ləkəni vazelinə batırılmış çubuq pambığın köməyi ilə silin. Parıldaması üçün isə şüşələrin təmizlənməsində istifadə etdiyiniz vasitəni tətbiq edin. Yeri gəlmişkən onu da qeyd edək ki, şəxsi maşınınız yoxdursa, pis havada laklı ayaqqabı geyinmək tövsiyə olunmur. Bununla siz ayaqqabının daha tez korlanmasına şərait yaratmış olursunuz.
Cızılmış dəri ayaqqabını necə bərpa etməli

Əriyən qar ayaqqabını korlayır. Qarda gəzəndən sonra ayaqqabınıza yağlı krem çəkib təmizləyin. Əgər yanınızda xüsusi vəsaitlər yoxdursa, onda nəmləndirici kremlərdən istifadə etmək olar. Losyona batırılmış balaca salfet və ya parçanı ayaqqabını sürtməklə onun əvvəlki görüntüsünü qaytarmaq olar.
Kedlərin qoxusunu neytrallaşdırmaq üçün

Məşqdən və ya uzun gəzintidən sonra kedlərə istər-istəməz qoxu hopur. Bunun qarşısı almaq üçün içinə azca soda töküb yaxşıca silkələyin.

Ayaqqabı vurmasının qarşısını almaq üçün
Əgər dikdaban ayaqqabınız ayağınızı vurur və sıxırsa, bir neçə gün əvvəlcədən içinə buz paketləri yerləşdirin. Lakin bu üsulu laklı ayaqqabılara tətbiq etmək olmaz.

Kedlərin ideal ağlığını qorumaq üçün
Yuyucu vasitə ilə sodanı kasaya töküb qarışdırın. Sonra kedləri diş fırçası ilə təmizləyin.

Çox çirklənmiş zamşa ayaqqabılarını süngər vasitəsilə ilıq sabunlu su ilə təmizləyin. Sonra şotkanı sirkə qatılmış suya batırıb təmizləmək lazımdır. Sonda təmiz quru əsgi ilə silib buxarın üstünə tutun. Əgər zamşa ayaqqabıya yağ ləkəsi düşübsə, onu benzinlə təmizləyin. Zamşa ayaqqabılarda əmələ gələn ləkələri təmizləməyin digər əlverişli yolu pozandır.
İslanmış ayaqqabını qurutmaq üçün
Əgər ayaqqabı islanıbsa, onu nəm əsgi ilə silmək və qəzet kağızı ilə doldurmaq lazımdır. Qəzet nəmi özünə çəkir və ayaqqabı tədricən quruyaraq, öz formasını saxlayır. Ayaqqabını otaq temperaturunda qurutmaq lazımdır. Heç vaxt nəm ayaqqabını odun yanında, mərkəzi istilik batareyasında, yaxud başqa istilik mənbələrinin yanında qoymayın. Bu hallarda dəri həddindən tez quruyur, büzüşür və çatlayır.
Ayaqqabını quru, sərin yerdə saxlayın. Əgər ayaqqabı rütubətli yerdə qalarsa, kif basacaq. Onu təmizləmək üçün benzin çəkin. Ümumiyyətlə, ayaqqabı hər gün təmizlənməlidir. Hər rəngli ayaqqabının öz rəngində kremi və ayrı şotkası olmalıdır. Ayaqqabını vaxtaşırı havaya verməyi və qurutmağı da unutmayın.
whatsappda paylaş Whatsapp-la göndər
Kateqoriya: Maraqlı
Baxış sayı: 107
  • Haqqımızda

    Korpem.net saytı 22 avqust 2012-ci ildə yaradılmışdır.
    Saytı yaratmaqda məqsəd analara yardımcı olmaqdır.
    Saytımızda yer alan məqalələr ananın hamilə dövrundən - körpənin böyüyüb məktəbəqədər dövrünü əhatə edir.
    Layihənin rəhbəri: Cabarov Beyrək
    Redaktor: Əhmədov Nurlan

    ƏLAQƏ

    E-mail: cabarov.beyrek@mail.ru

  • BİZİ FACEBOOKDA İZLƏYİN