SORĞU
Saytımızda onlayn mağaza olmasını istərdinizmi?
Bəli
       
Xeyr

Körpələrin qəribə yatmaq vərdişləri.

whatsappda paylaş Whatsapp-la göndər
Körpələrin qəribə yatmaq vərdişləri.
Körpələrin yatarkən etdikləri bəzi hərəkətlər valideynləri narahat edə bilər. Tərləmək, başını çırpmaq da həmin hərəkətlərdən sayılır. Gəlin birlikdə mütəxəsislərin bu hərəkətlərdən hansının təhlükəli, hansının təhlükəsiz olduğu haqqında dedikləri fikirlərlə tanış olaq.Körpənin başını çırpması Bəzi valideynlər uşaqlarının yuxulu halda başlarını çarpayının yan tərəfindəki dəstəklərə vurmasının şahidi olurlar. Mütəxəssislər qeyd edirlər ki, körpə uşaqların 20%-ə yaxını bunu edir. Oğlanlarda bu hal qızlara nisbətən daha çox müşahidə olunur. Bu proses adətən körpənin 6 ayın başlayaraq 3 yaşına kimi davam edir. Bu halın səbəbini öyrənmək hələ də mümkün olmayıb. Lakin mütəxəsislər bunu özünü təsdiqləməyin yollarından biri kimi qiymətləndirir. “Ana bətnində olarkən embrion irəli və geriyə gedir. Ola bilsin ki, doğulduqdan sonra körpə öz hisslərini başını vurmaqla bildirir” deyə pediatr-psixoloq Rahil Briqqs bildirib. Həm də bu, diş və ya qulaq ağrısına görə də ola bilən hərəkət hesab edilir. Lakin siz övladınızın başını ora-bura vurma adətinin baş ağrılarına, göyərmələrə, beyin zədələrinə səbəb ola bilməsindən qorxursunuz. Lakin bu belə deyil. Əgər uşaq başını bir yerə vurarkən ağrı hiss edərsə dərhal dayanacaq və təkrarən vurmayacaq. Bu vərdişə sahib olan bütün valideynlərə məsləhət görülür ki, körpənin çarpayısının kənarlarını yumşaq dəstəklərlə əhatə etməyə ehtiyac duymasınlar. Yaddan çıxarmayın ki, uşaq çarpayısındakı əlavə əşyalar onun boğulmasına səbəb ola bilər Yuxuda səksənmə. Körpəniz yuxuda olduğu zama səksənib əl-qolunu atır. Bu, gecə qarabasmaları deyil. Körpələrin əsəb sistemi hələ tam inkişaf etmədiyindən onlar ətraf mühitə cavab reaksiyalarını və reflekslərini hələ tam nəzarətdə saxlaya bilmirlər. Bu o deməkdir ki, belə nizamsız hərəkətlər qeyri-iradidir və zərərsizdir. Hər ehtimala qarşı, əlinizi onun titrəyən əlinə və ya ayağına qoyaraq sakitləşdirin. Əgər bu titrəmələr əsəbdən irəli gəlmirsə, o zaman uşağın 2-4 ayından sonra bu əlamətlər tədricən aradan qalxacaq Xoruldamaq. Bizə elə gəlir ki, yalnız böyüklər xoruldayır. Lakin körpələr də yatarkən xorultuya bənzər səslər çıxara bilirlər. Xorultu adətən hava axınının kiçik burun boşluğundan keçməsi və boğazdan geri qayıtmasının nəticəsidir. Xorultu uşağın xəstələnməsi və ya südün burun keçidinə tıxanması səbəbindən baş verə bilər. Burunu xüsusi nasos və ya duzlu su vasitəsilə təmizləyə bilərsiniz. Asfiksiya (boğulma) da xorultuya səbəb ola bilər. Bərk xorultu və boğulma asfiksiyanın əlamətləridir. Ona görə də uşağınız yatanda xoruldayırsa, həkimə müraciət etməyiniz məsləhət görülür.Körpə yatarkən nəfəsinin bir neçə saniyəlik dayanmağını hiss edə bilərsiniz. Yeni doğulmuş körpələr üçün “fasilələrlə nəfəs almaq” normaldır. Uşaqlar əvvəl tez -tez, sonra sakit nəfəs alırlar. Daha sonra nəfəs almada təxminən 10 saniyəlik kiçik fasilə yaranır. Sonra bu hal yenidən təkrarlanır. Nəfəs almada bu fasilələr ona görə baş verir ki, körpənin beynində bu funksiyaya nəzarət edən hissənin inkişafı hələ tam formalaşmayıb.Əgər körpəniz rahatdırsa, boğulmursa, dırnaqları və dodaqları göyərmirsə, o zaman narahat olmayın. Adətən, körpə 4-6 aylıq olanda onun nəfəs alması daha müntəzəm hala gəlir. Tərləmə. Bəzi körpələr yatan zaman tərləyirlər. Körpənin başı bədənindəki ən böyük orqan olduğundan, istiliyin çox hissəsi burada cəmləşir. Bununla əlaqədar olaraq körpənin alın hissəsi və saçları daha çox tərləyir. Lakin bu istilik və ya tərləmə xəstəlik əlaməti də ola bilər. Uşağın narahat olduğunu hiss etdiyiniz təqdirdə həkimə müraciət edin. Adətən 3-4 aylıqdan sonra gecə yuxusunun müddəti uzandıqda körpələr əvvəlki kimi çox tərləmirlər. Amma elə uşaqlar da vardır ki, onların bədəni çox tərləyir və bu proses onlar böyüyəndə də davam edir.
whatsappda paylaş Whatsapp-la göndər
Kateqoriya: Sağlamlıq
Baxış sayı: 6905
  • Haqqımızda

    Korpem.net saytı 22 avqust 2012-ci ildə yaradılmışdır.
    Saytı yaratmaqda məqsəd analara yardımcı olmaqdır.
    Saytımızda yer alan məqalələr ananın hamilə dövrundən - körpənin böyüyüb məktəbəqədər dövrünü əhatə edir.
    Layihənin rəhbəri: Cabarov Beyrək
    Redaktor: Əhmədov Nurlan

    ƏLAQƏ

  • BİZİ FACEBOOKDA İZLƏYİN