SORĞU
Saytımızda onlayn mağaza olmasını istərdinizmi?
Bəli
       
Xeyr

Uşağın xarakterini doğum tarixi ilə müəyyən edək

whatsappda paylaş Whatsapp-la göndər
Uşağın xarakterini doğum tarixi ilə müəyyən edək
Uşağın hansı xarakter sahibi olacağını bilmək maraqlıdır və hərə bir cür “baş sındırır”. Fikir var ki, «tale rəqəmləri»nin köməyi ilə hələ yeyib-yatmaqdan başqa heç nə etməyən körpənin xasiyyətini bilmək olar. Bunun üçün uşağın doğulduğu il, ay və günün rəqəmlərini üst-üstə gəlmək lazımdır. Məsələn, tutaq ki, uşaq 9 iyun 2014-cı ildə anadan olub. İndi həmin rəqəmləri toplayaq: 9+6 (iyun) +2+0+1+4=22 Bundan sonra alınan ədədin rəqəmlərini toplayırıq: 2+2=4 Beləliklə, uşağın tale rəqəmi 4-dür. Və ya əgər uşaq 1 aprel 2013-ci ildə anadan olubsa, onun tale rəqəmi belə tapılır: 1+4 (aprel) +2+0+1+3= 11 Alınan ədədin tərəflərini toplayaq: 1+1=2. Demək, uşağın tale rəqəmi 2-dir. Beləliklə, bütün insanlar doqquz qrupa bölünür. bokusaq.Bir Tale rəqəmi bir olan uşaqlar dünyaya gələn andan xarakter göstərirlər. Beş yaşında bunlar artıq enerji topası olur. Həddən artıq müstəqil olan bu uşaqlar valideynlərinə elə od qoyurlar ki, onlar vaxtından əvvəl “qocalır”. “Birlərə” “diş batırmaq” çətindir. Daim diqqət tələb edirlər. Əks təqdirdə evin altını üstünə çevirərlər. Sərt davrananda, nəyisə qadağan edəndə özlərindən çıxırlar. Qapalı məkanda qalmağı sevmirlər. Ətraf aləmlə çox ciddi maraqlanırlar. Uğurlarını stimullaşdırmaq lazımdır. Onları liderliyə həvəsləndirin. Səbrli olub onları məhəbbətlə əhatə etsəniz, əvəzini görəcəksiniz. İki Tale rəqəmi iki olan uşaq anadan olandan suyuşirin olur. Əslində o numerologiya silsiləsində ən heyranedici, ünsiyyətcil, hər bir qulluğa yarıyan tipdir. “İkilər” kiminsə xətrinə dəyməyə qorxduqlarından öz həqiqi hisslərini gizlədə bilirlər. Buna görə böyüyəndə çox qətiyyətsiz olurlar. Digərlərinə xoş gəlmək üçün həddən artıq enerji sərf edirlər. Çətinliklərlə rastlaşmaqdan qorxurlar. Həssas, ehtiyatlı və utancaq olan «ikilər» yad adam görəndə, çox güman ki, anasının yanında gizlənəcək. İlkin qorxaqlıq dövrü keçəndən sonra onlar (əsasən də oğlanlar) boşboğaz olur. Yaşıdları ilə oynamağı xoşlayırlar. Çoxlu dostları olur. Sakit, sözəbaxan, mərifətli, mehriban və həssas olan «ikilərin» qucaqlanmaqdan xoşları gəlir. Tərifləməsən və məqsədlərinə çatmaq üçün həvəsləndirməsən, uzaqlaşa bilərlər. Üç Sizin ecazkar uşağınız bağçanın ulduzudur. O, ətrafdakıların diqqət və məhəbbətini qazanır. Uç rəqəmi altında doğulan uşaqlar çox vaxt utancaq olur. Lakin bu onlara dünyada ən çox istədiklərinə, diqqətə yiyələnməyə mane olmur. Ən çox arzuladığı valideyn diqqətidir. Uşaq hamıdan ona baxmağı və dinləməyi tələb edir. Oğul hər zaman ananın, qız isə atanın sevimli övladına çevriləcək. Həm qız, həm də oğlan ömürlərinin sonuna qədər əks cinsin diqqətini cəlb edəcək. Ailədə tək uşaq olsa, üç rəqəm altında doğulan uşaq yaxşı mənada fərqli olacaq. Rəqabət olmayan yerdə belə uşaqlar sanki işıq saçırlar və az şıltaqlıq edirlər. Dil açan andan yorulmadan danışırlar və şişirtməyə meylli olurlar. Bununla ətrafdakıların diqqətini cəlb etmək istəyirlər. Məktəbdə dinclik və yorulmaq bilməyən «üçlər» çox vaxt müəllimlərin sevimlisinə çevrilirlər. Amma sinif yoldaşlarını da təngə gətirirlər. Parıldayan şeylərdən xoşları gəlir. Parıltısını itirən şeyə heç bir maraqları olmur. Diqqətləri tez yayınır. Valideynlər onlara diqqətini bir yerə cəmləməyi və səbrli olmağı öyrətməlidir. Numerologiya silsiləsində ən xudbin, eqoist «üçlərdir». Onları məzəmmət edəndə söz seçiminə xüsusi diqqət yetirmək lazımdır. Uşağına vaxt və səbrini qənaət etməyən valideynlər narahat olmaya bilərlər. Bir neçə ildən sonra bu uşaq sədaqətli və onları sevən insan olacaq. yatanusaqDörd Əgər dörd rəqəmi altında doğulmuş uşağınız sizə həddən artıq ləng görünürsə, narahat olmayın. Çünki “dördlər” səliqəli və işlərini hər zaman nizama salan olurlar. Bir şeyə əmin olanda bu fikir onlarda sona qədər davam edir. Münaqişədən qaçmaq istəyirsinizsə, onların əşyalarının yerini dəyişməyin, tək qalmalarına mane olmayın. Çox üzüyola olan bu uşaqlar həm özlərini, həm də bacı-qardaşlarını əyləndirə bilirlər. Təşəbbüskar, müstəqil və açıq ürəkli olmaları onları sevdirir. Bu həssas uşaqların hamıdan artıq diqqət və məhəbbətə ehtiyacı olur. Ancaq tələbkar olmadıqlarından bunu biruzə vermirlər. Numerologiya tsiklində ən təmkinlidirlər. Başladıqları işi çox uğurla başa çatdırırlar. Beş Əgər uşağınız bu rəqəm altında doğulubsa, idman zalına getməyə ehtiyacınız yoxdur. Çünki evinizdə canlı trenajor var. Anası ona hələ öyrəşməmiş uşaq artıq yeriməyə və əlinə düşən hər şeyi dağıtmağa başlayacaq. Belə uşağı olan valideynlər elektrik «rozetka»sı, manej və şkaflara qıfıl vurmalıdırlar. Tez-tez plastır almaq məcburiyyətində qalacaqsınız. Zahirən mehriban görünməsələr də, həddən artıq maraqlı və sədaqətli olurlar. Öz yerlərini heç kimə vermək həvəsində olmurlar. Onlar özlərini yaxşı aparanda mələk, pis aparanda isə şeytan olurlar. “Beşincilər” hər şeydən tez bezir. Ona görə onların oyuncaqlarını tez-tez dəyişmək lazım olur. uyuyanusaq“Altı” həmişə ailədə sevimli olur. Əgər uşağınız təkdirsə, tələsin. “Altılar” özlərini ancaq bacı və qardaşlarının yanında rahat hiss edirlər. Həmişə kiminləsə oynamaq, kiməsə qayğı göstərmək istəyirlər. Uşaq cazibəli və mehriban olsa da, “altı” tərs və şıltaqdır. Ola bilər ki, xətrinizə dəysin. Lakin dərhal vəziyyəti düzəldir. Qayğıkeş, həm də həssasdır. Ünvanına deyilən ən xırda tənqidi də öz kiçik aləminə qəsd kimi qəbul edir. Adətən, həyatda uğur qazanırlar. Məsuliyyət hissini tez anlayırlar. Valideynlərin borcu bu uşaqlara emosiyalarını biruzə verməkdə səbrli olmağı öyrətməkdir. Ətrafdakıların hamısını valeh edirlər. Bu imkandan çox məharətlə istifadə edə bilirlər. Axı xalis manipulyatordular. Onların sizə verdiyi məhəbbətə məhəbbətlə cavab verin. Yeddi İlk andan anlayacaqsınız ki, bu, digərlərindən fərqlənən bir uşaqdır. Adətən, yeddi rəqəmi atlında doğulanlar çox sakit uşaq olur. Yox, əgər uşaq həddən artıq temperamentlidirsə, sizi məyus etməli olacağıq: bu numerologiya silsiləsində ən çətin uşaqdır. Belə uşaq dəqiq bilir ki, ona nə lazımdır, nə yox. Nə isə etmək istəmirsə, özünüzü yormayın. Əziyyətə dəyməz. qarpizyeyenusaqValideynlər həssasdırlarsa, hətta ən çətin uşaq onlara çoxlu sevinc bəxş edəcək. Kiçik yaşlarından sizin həyəcanlı olduğunuzu hiss edəndə sakitləşdirməyə çalışır. Bu həssaslıq bacı-qardaşlarına və dostlarına qarşı da olur. Onun kiçik dünyasını sındırmağa cəhd etsəniz, uşağın qəzəbini təsəvvür edə bilməzsiz. «Yeddincilərin» yaxşısı da, pisi də onların rejimlərinin pozulmasına dözmür. Vaxtında yedizdirməsəz, qapalı və adamayovuşmaz ola bilərlər. Fiziki cəhətdən qeyri-fəaldırlar, amma zehni qabiliyyətləri yüksək olur. Böyüyəndə təkliyə can atırlar. Emosiyalarını gizlətməyi yaxşı bacarırlar. Onlarda yaradıcılığa həvəs oyandırmaq lazımdır. “Səkkizlər” numerologiya silsiləsindən ən cazibədar uşaqlardır. Xasiyyətləri pis olmur. usaq-forslanirAmma valideynlər hazır olmalıdırlar, çünki səkkizlər ailədə ağalıq etmək istəyirlər. Eyni zamanda həssasdırlar. Ailədə kimin söz sahibi olduğunu anlayan kimi bu uşaq sakitləşir. Səkkiz rəqəmi güc və hakimiyyəti ifadə etdiyinə görə, bu uşaqlara kiçik yaşlarından pisi yaxşıdan ayırmağı öyrətmək lazımdır. «Səkkizincilər» müstəqillikləri ilə yanaşı, çox qısqanc olurlar. Anlatmaq lazımdır ki, başqalarına göstərilən qayğıdan ona da göstərilir. Çox tələbkar, inadcıldırlar. Doqquz Bunlar uşaq yox, müəlliminizdir. Böyüyənə qədər onlardan bir çox şey öyrənəcəksiniz. Onlar güclü cazibə qüvvəsinə, hərtərəfli istedada və zəngin düşüncə tərzinə malik olur. Fərasəti ilə hər kəsi valeh edir. Bir qədər şıltaq olsalar da, kimsəyə əziyyət vermirlər. Adətən, ailənin bütün problemlərinin həllini öz üzərlərinə götürürlər. Çox nadir hallarda prioritetlərini dəyişirlər. Nəvazişə olan ehtiyaclarını biruzə verməsələr də, buna böyük ehtiyacları var. Bəzən valideynlər unudur ki, bu ciddi görkəmli uşaqlar bəzən oynamaq, dəcəllik etmək istəyir. Onlara diqqət yetirin. Etiraz etsələr də, bağrınıza basın və qayğı göstərin. Nəticədə qarşınızda həddən artıq səmimi və qayğıkeş insan görəcəksiniz. Onlar hara getsələr də, axırda sizin isti ocağınıza üz tutar. “Doqquzlardan” müxtəlif peşə sahibi çıxar.
whatsappda paylaş Whatsapp-la göndər
Kateqoriya: Maraqlı
Baxış sayı: 4989
  • Haqqımızda

    Korpem.net saytı 22 avqust 2012-ci ildə yaradılmışdır.
    Saytı yaratmaqda məqsəd analara yardımcı olmaqdır.
    Saytımızda yer alan məqalələr ananın hamilə dövrundən - körpənin böyüyüb məktəbəqədər dövrünü əhatə edir.
    Layihənin rəhbəri: Cabarov Beyrək
    Redaktor: Əhmədov Nurlan

    ƏLAQƏ

  • BİZİ FACEBOOKDA İZLƏYİN